2022 йилнинг энг яхши автомобили рўйхати эълон қилинди

39 та номзод автомобиллар рўйхати эълон қилинганидан икки ҳафта ўтиб, “Йил автомобили-2022” танлови иккинчи босқичига старт берилди. Финалчиларнинг қисқа рўйхати аниқланди. Унга кўра  еттита автомобил модели сўнгги рўйҳатдан жой олди. Энг қизиқарлиси, улардан олтитаси электрокарлардир.

Cупра Борн, Форд Мустанг Мач-Е, Ҳюндаи Иониқ 5, Киа ЭВ6, шунингдек, Ренаулт Мегане Э-Теч ва Скода Эняқ иВ. Танловнинг еттинчи финалчиси янги Пеугеот 308 бўлди, у ҳали электр модификациясига эга эмас, лекин гибрид версиясига эга.

Қизиғи шундаки, Cупра Борн хетчбеки финалчилар қаторидан жой олди, ваҳоланки, аслида бу автомобил қайта ишланган Волксwаген ИД.3 бўлиб, ўтган йилги танлов финалчиларидан бири бўлган. Шу билан бирга, финалга йўл олган Ҳюндаи Иониқ 5 ва Киа ЭВ6 электромобиллари бир хил Э-ГМП платформасида қурилган ва амалда бир хил техник хусусиятларга эга. 

“Йил автомобили-2022” танлови ғолиби келаси йилнинг феврал ойи охирида э’лон қилинади. Эслатиб ўтамиз, Тоёта Ярис модели ўтган йили "Йил автомобили" танловида ғолиб бўлган эди.