BMW ва McLaren ҳамкорликда двигателларнинг янги авлодини яратади

BMW ва McLaren ички ёнув двигателларининг янги авлодини бирга ясамоқчи. Уни самарали ва тежамкор қилиб тайёрлаш режалаштирилмоқда. Янги двигател ҳажми аввалгиларидек қолади, аммо атмосферага CO2 кам чиқаради.

Конструкторлар 2020 йилга лойиҳани тугаллайди. Лойиҳага Ricardo, BMW Group ва Grainger and Worrall, Lentus Composites сингари илмий тузилмалар бош қўшган. Лойиҳанинг умумий қиймати 28 млн долларга баҳоланяпти. Бу маблағнинг ярмини Буюк Британия ҳукумати ажратади, қолгани эса лойиҳа иштирокчиларининг чекига тушган.