Британия қироличасининг автомобили сотувга қўйилди

Икки йил аввал ушбу Bentley Mulsanne автомобилида Елизавета II юрган.

Ноёб Bentley Mulsanne Елизавета II учун Крю заводида махсус ишлаб чиқарилган бўлиб, 2012 йилдан 2014 йилгача қироличага хизмат қилган. Хусусан, қиролича бошқарувининг бриллиант юбилейида ва бош вазир Дэвид Кэмероннинг ҳузурига ташриф буюрганида Bentley Mulsanne хизматда бўлган..

Bentley Mulsanneнинг 6,75 литрли 505 от кучига эга двигатели бор. Саккиз поғонали автоматик узатмалар қутиси билан ишлайди. Юз км/соат тезликка 5,3 сонияда чиқади, энг юқори тезлиги 300 км/соат.

Оддий автомобиллардан кўплаб хусусиятлари билан ажралиб туради. Олд панели ва салоннинг кўплаб жойларига ёнғоқ ёғочи қопланган. Ўриндиқларга қимматбаҳо чарм сирилган. Навигацион тизими бор.

Автомобиль жами 5826 миль йўл босган, бу тахминан 9,3 минг км. Машинани 200 минг фунт-стелингга (285580 доллар) баҳоланяпти. Шу йилнинг 21 апрель куни қиролича 90 ёшга кирган санада ноёб автомобилни сотиш мўлжалланган. Икки ҳафта вақтингиз бор, ҳаракат қилинг 😉