Chevrolet Cobalt дизайни радикал тарзда ўзгарди

Бразилияда янгиланган Chevrolet Cobalt модели расман намойиш этилди.

Chevrolet Cobalt ўз имижини радикал тарзда ўзгартирди. Эндиликда Америка маркасидаги седаннинг янги авлоди “Круз”ни эслатиб юборади. Cobalt кузовининг олд қисми бутунлай ўзгарган, хусусан, асосий фараларнинг кўриниши ҳашамдор тус олган. Орт қисмида эса бампернинг шакли ўзгарган, шунингдек, орқа чироқлар ва юкхона қопқоғи шакли ҳам янгиланган.

Автомобиль салони қарийб ўзгармаган. Янги “Кобальт” эшикларининг қопламаси янгиланган, иқлим бошқаруви блоки ўзгарган. Шунингдек, янгича ускуналар панели ҳамда камтаргина магнитола ўрнига MyLink II мультимедиа тизими ўрнатилган.

Лотин Америкаси бозорларида Cobalt эндиликда ихчам, бироқ нуфузли машина сифатида намоён бўлади. Базавий намунасидан ташқар, қимматроқ комплектациядан круиз-назорат (автомобилнинг доимий тезлигини назорат қилувчи тизим), чармли салон, орқа томонни кўрсатадиган камера, ёмғир ва ёруғлик датчиги ўрин олади.

Лотин Америкаси “Кобальт”и 1,8 ва 1,4 литр ҳажмли атмосферали моторлар билан таъминланиб, уларнингқуввати 108 ва 102 от кучига тенг бўлади. Фақатгина 1,8 литрли намунада 6 босқичли “автомат” ўрнатилади.