Ford Freestyle: Ҳиндистон учун митти кроссовер
Ҳиндистонда Ford Freestyle ихчам кроссоверининг расмий тақдимоти бўлиб ўтди. Бу автомобиль Ford Figo ёки Ford Ka деб аталувчи ихчам хэтчбекнинг кросс версиясидир.
Эслатиб ўтамиз: 2000-йилларнинг ўрталарида Шимолий Америка автобозорида шу номли йўлтанламас сотувга чиққанди. Аммо унинг хабаримиздаги кроссовер билан алоқаси йўқ.
“Фристайл”нинг салонида 6,5 дюймли мониторга эга Sync 3 ахборот-кўнгилочар тизими бор.
1,2 литрли бензинли мотори 96 от кучини етказиб беради. 100 от кучига эга дизелли версияси ҳам мавжуддир.
Ford Freestyle шу йилнинг баҳоридан бошлиб ҳинд автосалонларида сотила бошлайди.