GM-"АвтоВАЗ" Chevrolet Nivaнинг юбилей версиясини тайёрламоқчи
GM-"АвтоВАЗ" қўшма корхонаси Chevrolet Niva йўлтанламаси ишлаб чиқарила бошланишига 15 йил тўлганлигини нишонламоқда. Шунинг муносабати билан завод махсус Special Edition версиясини тақдим этади. У чекланган нусхада чиқарилади.
Chevrolet Niva Special Edition русуми GLC базасида қурилиб, бронза ранги билан ажралиб туради. Унга "Special Edition" ёрлиғи туширилади ва “15 йил” деб ёзиб қўйилади.
Автомобилда 1-DIN магнитоласи ва тўрт динамик бўлади. Ғилдираклари катталаштирилган (215/60 R17).
“Автоваз”чилар Special Editionдан 300та чиқаришни режалаштиряпти. Нархи 749900 рубль туради. Расмий дилерларда етказиб бериш шу ойнинг 25 кунидан бошланади.