Hyundai компанияси Kona кроссоверини ҳозирламоқда

Кореянинг Hyundai автокомпанияси яқин-орада янги субкомпакт кроссоверни намойиш этади. Уни маҳаллий автобозорда “Кона” деб аталиши кутилмоқда.

Гап-сўзларга кўра уни заводдагилар шартли равишда Hyundai OS деб атамоқда. Ёзга яқин кўрсатилиши мумкин. Бошқа давлатларга бошқа ном билан чиқарилади.

Ихчам кроссовернинг рақиблари қайси русумлар бўлади? Корейс кроссовери Женева халқаро автосалонида Nissan Juke, Toyota C-HR, Honda HR-V, Mazda CX-3 ва Citroen C3 Picasso автомобиллари билан беллашади.

Кроссовернинг интерьер ва экстерьери 2014 йилдаги Hyundai Intrado concept (расмдаги) услубида ясатилади. 1,4 литрли бензинли турбомотор ёки 1,4 ва 1,6 литрли дизелли мотор ўрнатилиши кутилмоқда.

Hyundai Kona ривожланаётган мамлакатлар бозорига мўлжалланаётган бўлиши эҳтимоли катта, аммо Европага кириб келишини ҳам истисно қилиб бўлмайди.