Икки қутбли ака-укалар ёхуд икки немис машинасининг қайси бири зўр?

Бу сафар сиз азизларнинг эътиборингизга икки машҳур ака-укалар ҳақида тўхталиб ўтмоқчимиз. Бу икковлоннинг онаси бир, яъни Германияда туғилган бўлиб, ҳар бири ўзига хос тарихга эга, ўз мухлислари ва мижозлари учун титанлардир! Биласизми, булар қайси титанлар?! Ҳа, топдингиз, булар Mercedes ва BМW автомобилларидир!

Меrcedes тарихи узоқ ўтмишга бориб тақалади. Аниқроқ айтилса, унинг номи билан илк автомобиль 1891 йилда пайдо бўлган. Шу йили Benz Berg (МB) ўзининг биринчи моторли машинасини ишлаб чиқарган. Мана орадан 120 йилдан ортиқ вақт ўтиб, бу ширкат ўз номини сақлаб келмоқда. Компания тарихида энг кўп сотилган модель эса шубҳасиз E-Class’дир! Бу модел 7 миллион донадан ортиқ ишлаб чиқарилган; ҳали ҳам ишлаб чиқарилишда давом этмоқда.

Мерcедеs E-350, E-550 моделлари ҳақида алоҳида тўхталиб ўтиш лозим. Бундан аввал эса қисқача BМW ҳақида икки оғиз сўз!

BMW 3 Series

Бавария Моторс ширкати бренди бўлмиш BМW бошида машина ишлаб чиқариш учун мўлжалланмаган эди. Гап шундаки, 2-жаҳон урушида қирувчи самолётлар ва мотоцикллар ишлаб чиқарган бу ширкат урушдан сўнг қийин кунларни бошдан кечирди. Аввалига Британия, кейинчалик эса Францияда оз муддат фаолият юритган ширкат 50-йиллар охирига бориб ўзининг машҳур автомобиль моделларини ишлаб чиқара бошлади. Энг машҳур модель шу кунгача Isetta’дир! Ундан кейин 70-йиллар бошида 2002 модели ҳам оммабоп бўлди. Бу ширкатнинг энг кўп ишлаб чиқарилган икки модели 3-Series ва 5-Series бўлиб, жами 9 миллиондан ортиқ сотилган. Биз бу ерда 535Xid ва 550GT Xid моделларига алоҳида эътибор берамиз.

Mercedes’нинг E-Class хусусиятлари ва қисқача тарихи ҳақида. Бу модель яратилган вақт машина бозори касодга учраган даврга тўғри келди. Ўша кезлари ҳатто катта гигантлар ҳам оғир кунларни бошдан кечираётган эди. Шу вақтда, яъни 1973 йилдан бошлаб Mercedes W123 кузовида автомобиллар ишлаб чиқара бошлади. Янги модель тез фурсатда ўз ишқибозларини топди, айнан шу модель Mercedes компаниясининг узига хос таништирув модели бўлди. Ажойиб дизайн ва тезюрар мотор билан бирга бу модель электрон ойна кўтаргич, кондиционер, электрон ўриндиқ, иситилувчи орқа ойна, олд фараларни ювиш мосламаси, тери-чарм ўриндиқ ва албатта 180” даражага буриладиган машҳур рул каби янгиликларни ҳам амалиётга татбиқ этган эди.

Mercedes E-Class

Вақт ўтиши билан Германиядаги 3 та завод E-Classни ўз вақтида етказиб бера олмагани боис Mercedes дунёнинг 4 мамлакатида завод очишга қарор қилди. Шу вақтгача Польша, Жанубий Африка, Малайзия каби давлатларда завод филиаллари очилди ва 1984 йилга келиб бу моделнинг 3 миллионга яқини ўз эгасини топди.

Вақт ўтиб Даймлер мутахасислари кутилмаганда жиддий рақобатни ҳис қила бошладилар ва бу рақиб айнан BМW эди. Бошланишига кам ҳажмли, кичкина машиналар ишлаб чиқарган бу ширкат 1972 йили E-12 (512) моделини тақдим қилди. Бу моделни ўзига жалб қиладиган биттагина жиҳат бор эди ва бу албатта унинг кучли мотори эди. Аввалига қимматроқ бўлган бу паҳлавон кейинчалик ўз номини ҳаммага танитди. Шундай қилиб катта ўзгаришлар даври бошланди. Бир томондан Англия ва Италия каби спорт автомобилларига даъвогарлик қилиб келган давлатлар аста-секин ўз ўрнини янги ўйинчиларга бой бера бошлади. Бу вақтга келиб Eвропадаги Lancia (Аlfa Group), Lotus, Аustin, Мini, ТBR, Аlfа-Romeo каби ширкатлар ўрнини айнан шу икки модель эгаллай бошлади. Ҳар томонлама қулай ва янги технологияга асосланган, люкс ва албатта тезюрар бу икки қаҳрамон ҳақидаги суҳбатни давом этирриб, энди қайси бири зўрроқ ва қайси бирини олган маъқулроқ деган саволга жавоб излаймиз.

Икки қаҳрамондан қайси бири зўр?

Mercedes’нинг техник маълумотларини қисқача келтириб ўтcак. Ушбу автомобиль ҳозир дуёда 11 хил турли ҳажмдаги двигатель билан ишлаб чиқарилади. Биз икки қаҳрамонимизнинг бир-бирига яқин моделларидаги кўрсаткичларига тўхталиб ўтамиз.

Меrcеdеs Benz E350 4matic АМG Sport Package

Бу модель Шимолий Америка бозори учун махсус ишлаб чиқарилган бўлиб, анча кучли характеристикага эга. 3,5 Литр ва 302 та от кучига эга двигитель, 6500 айланмаси В6 услубидаги 7 талик автомат-троник спорт трансмиссияси бу машинани бемалол спорт тезюрари деб аташга имконият беради. Бу моделнинг икки кўриниши бўлиб, бири 4 цилиндрли 2 та Би-Турбо мотори билан жиҳозланган, бошқаси эса 6 цилиндрли Би-Турбо билан жиҳозланган. Машина эгаси буюртмасига қараб, 302 от кучи 353 эки 377 тага етказилиши мумкин, аммо бунинг учун бу моделларни махсус тюнинг бўлимига буюртма бериш керак. Бу тюнинг ширкати Мерседесда бир нечтадир ва булардан энг машҳурлари Carlson, Brabus, AMG, Lorensen ҳисобланади. Бу модель спорт ва юмшоқ бизнес классни ўзида мужассам қилгани билан мижозларни ўзига ром қилган ва сўнгги 40 йилдан бери бозордаги энг кўп сотиладиган немис машинаси ҳисобланади.

Меrcedess Benz E350 4matic АМG Sport Package

Ушбу машинанинг яна бошқа жиҳатларидан баъзилари ҳақида ҳам икки оғиз сўз:

Angility Suspension Control ASC — бу система машина тезлиги ва бурилишига қараб амортизаторларга керакли босимни ҳаво ва куч орқали етказиб туради, яъни тезлик билан бурилганда машинанинг сирпаниб кетишига йўл қўймайди ва юмшоқ амортизация билан таъминлайди?

Rain Sensor System — бу махсус қурилма машинанинг олд ойнасига бир томчи сув тушиши билан автоматик равишда ойнани сувдан тозалашга тушади. Мисол учун машина рўпарасидан келаётган машина ойнангизга суз сачратиб ўтиб кетса, дарҳол бу қурилма ишга тушади;

Head LIght Smart Control — бу қурилма илк бор 2007 йили Пуллман моделида қўлланилган. У машина қай даражада қоронғи жойда кетаётганига қараб фараларнинг ёруғлик даражасини оширади. Рўпарада келаётган машинага қараб юқори чироқни автоматик равишда ўзгартиради. Ҳайдовчилар кўпинча юқори чироқни ёқиб юради ва бу рўпарадан келаётган ҳайдовчиларга қийинчилик туғдиради. Бу тизим айнан шу муаммони ҳал қилади;

Driver Assistance — Бу қурилма юқори технологик тизим бўлиб, ҳайдовчининг машина бошқарувини мониторинг қилади. Мисол учун у машинанинг қай даражада равон ва бир хил кетаётганини ҳисоблаб анализ қилиб боради; машина эгаси ухлаб қолишининг олдини олади. Бошқарув йўқотилди деган қарорга келиши билан автопилот дарҳол машинани ўнг томонга олиб бориб тўхтатади ва полицияга ўзи қўнғироқ қилиб координаталарини айтади. Шунингдек, бундай қурилма ўрнатилган моделларнинг рулида қон босими ва юрак уришини мониторинг қилувчи махсус сенсорлар ҳам ўрнатилган. Фавқулодда ҳодиса юз берса, автопилот бошқарувни ўз қўлига олади. Ундан олдин эса вибрация, баланд товуш каби чоралар ишлатилади. Бу моделдаги қулайлик шу даражада кўпки, уларни бирма-бир санаб ўтишга кўп вақт кетиши боис шу ерда тўхтаймиз. Лекин бу модель нархи ҳақида айтиб ўтишимиз шарт!

Биз бу ерда тилга олган модел нархи 65000 АҚШ доллари туради. Энг оддийсини 57000 долларга олиш мумкин.

Навбат энди BМW’га…

Ота-бобосидан энг катта мерос бўлиб қолган бир нарса бу автомобиль компаниясининг ўз йўлини топишида ва бозордаги ўз номини юксак даражага олиб чиқишида катта ёрдам бўлди. Бу мерос эса нима?! Албатта, у двигатель эди. Айнан шу меросни BМW ҳалигача сақлаб қолмоқда. Бу меросни ҳатто BМW белгисида хам кўриш мумкин. Айнан самолётнинг айланаётган парраги бренд рамзига айланган. Биз ҳикоя қилаётган бренднинг ўз ашаддий фанатлари бор ва улар томондан бу бренднинг энг зўр машина деб таъриф берилишида ҳақиқат йўқ эмас, албатта…

BMW M4 Coupe

Немиснинг бу ўғлони бутун дунёга «Довюрак» (Богатырь) номи билан ҳам танилган. BМW эгалари машинадаги ҳар хил майда товушларга эътибор бермасликлари, майда камчиликларга кўз юмишлари, қулайликдан озгина чекинишлари лозим бўлиши мумкин. Бунинг эвазига BМВ ўз қувватини таклиф қилади, мотор овозидан роҳатланадиган, газ педалини босганда мазза қиладиган киши, албатта, баъзи бир камчиликларга эътибор бермайди. Тўғри-да, агарда комфортни хоҳласангиз, Rolls-Royce олинг!

Масалан, Формула тезюрарларида ҳам ҳеч қандай қулайлик йўк! Лекин тезлик бор унда… BМWнинг шу жиҳати кўпчиликни ўзига ром этганлиги аниқ! 90-йиллардаги криминал гуруҳлар Бумер деб қўйган номда ҳам ўзига хос бир реаллик бордек назаримда. Бу ўхшатиш мажозийдир балким, балким у «Бандит»ларнинг машинасидир?! Балким! Аммо бу машинанинг ўз ўрни борлиги аниқ!

Давр ўзгариши билан қўпол, дағал, оддий Бавария машинаси ҳам ўз стратегиясини ўзгартиришни бошлади. Барча ширкатлар янги технологияни намойиш қилар экан, баварияликлар ҳам бундан ортда қолмади. Натижада GT (Grand Тurismo) моделлари майдонга чиқиб келди. Бу модель сотувга чиқарилгач, тез фурсатда ўз харидорларига эга булди. Аммо унинг баъзи камчиликлари сабаб сўнгги йилларда уларни ишлаб чиқариш анча қисқарди. Бунга асосий сабаб эса, албатта, унинг асосий рақиби Мерседес булди.

Биз BМWнинг моделларига алоҳида ҳурмат билан қараймиз. Ҳатто i3, i8 каби моделларни чиқарган бўлса ҳам, Биз BМWни двигатели учун севамиз! Мақоламиз чўзилиб кетганини ҳисобга олиб, BМWнинг биз кўриб чиққан модели техник характеристикасига қисқача тўхталиб ўтамиз.

BMW 5 Series

BМW 535xid Sport модели капоти тагида V6 3.0 Литрли, 300 та от кучига эга ва 5000 айланиш тезлигига мос Турбо двигитель ўрнатилади. Автомобилнинг нархи 53 000 АҚШ доллари атрофида, демак ўз тоифасига кўра унча қиммат эмас!

Хулоса шуки, ҳар ким ўз ҳамёнига қараб ўзи ёқтирган машинани олади. Айтадилар-ку, «Туя бир танга, қани бир танга — Туя минг танга, мана минг танга!»

Оқ йўл!