Infiniti QX80нинг олд қисмини кўрсатди

Япон шоҳона маркасининг фахрий йўлтанламасининг премьераси 14 ноябр куни Дубайдаги Халқаро автосалонда ўтказилиши кутиляпти.

Infiniti энг катта йўлтанламаси бўлмиш QX80нинг бир қисмини премьерагача қолмай кўрсатиб қўйди. Йўлтанламаснинг техник мағзи сир тутилмоқда. Норасмий маълумотларга қараганда аввалги 5,6 литрли V8 мотори қолади. У 405 от кучига эга. 2,8 тоннали машина 6,5 сонияда юз тезликка чиқиши мумкин.

“Monograph” қўшимчали янги QX80 апрел ойида Нью-Йорк автосалонида концепт шаклида кўриниш берган. Флагманнинг даракчиси диод чироқларга, 21 дюймли ғилдирак дискларига эга. Габарити 5 метрдан, бўйи ва кенглиги 2 метрдан ошади.