Июль ойида Буюк Бритнияда автомобиль ишлаб чиқариш рекорд даражада қисқарди

 BBCнинг хабар беришича Буюк Бритнияда ўтган ойда  53,438 машина ишлаб чиқарилган. Бу натижа 1956 йилдан бери қайд этилган энг пасти ҳисобланади.Бунинг асосий сабабларидан бири сифатида глобал микрочип етишмасилиги қаралмоқда. Ишлаб чиқариш ўтган йилнинг июль ойи билан таққослаганда 37,6% га камайган. Умумий автомобиль ишлаб чиқариш 2020 йилга қараганда қарийб бешдан бир қисмга кўпдир, 552,361 дона, лекин бу ҳали пандемиядан олдинги 2019 йилга нисбатан 28,7 фоизга кам дегани. Замонавий машиналарни микрочипларсиз тасаввур қилиб бўлмайди ва бу қурилмаларнинг дунё бўйича танқислиги оқибатида автомобиль саноатида пасайиш кузатилмоқда. Пандемия бошида кўплаб автомобиль ишлаб чиқарувчилари сотувлар узоқ пасайишидан қўрқиб буюртмаларни бекор қилишди. Бироқ, талаб қайта тиклана бошлагач, компаниялар микрочиплар учун навбатнинг орқасида қолишди. "Goldman Sachs" таҳлилчилари башорат қилишича, чиплар танқислиги автомобилсозлик секторига катта зарар этказади ва 2021 йилда 20 миллиард долларгача (14 миллиард фунт) жаҳон автомобиль ишлаб чиқарувчилари зарар кўради. 

Маълумот ўрнида, aвтомобиль саноати Буюк Британия иқтисодиётининг муҳим қисми бўлиб, унинг айланмаси 78,9 млрд.

У 180 мингга яқин одамни ишлаб чиқаришда ва 864 минг кишини  таъминот тармоғида ишга жалб қилади. Буюк Британияда 30 дан ортиқ ишлаб чиқарувчилар 70 га яқин автомобиль моделларини ишлаб чиқарадилар.