Kiaнинг янги электрли кроссовери серхаридор бўлиши кутилмоқда

Жанубий Кореяда Kia Niro EV номли электрли паркетник намойиш қилинди. Июль ойидан уни сотиш бошланади.

АҚШ, Европа ва Жанубий Кореяда Kia Niroнинг гибрид модификацияларини талашиб олишади. Масалан, ўтган йили корейслар 23647та гибрид паркетник сотди. Мана энди серхаридор кроссоверлар қаторига яна биттаси қўшилди.

Янги кроссовернинг узунлиги 4375, кенглиги 1805, бўйи 1560, ғилдираклар базаси 2700 мм. Заряди ўрнатилган батареясига қараб 240 кмдан 380 кмгача йўл босишга етади.

Кроссовер олдиндан ҳам, орқадан ҳам тўқнашувни бартараф қилиш тизими билан жиҳозланган. Интеллектуал яккатезлик тизими ҳам бор. Бундан ташқари машинанинг полосадаги ҳаракати ва ҳайдовчининг чарчоғини ҳам электрон мия кузатиб боради.

Kia Niro EV 40 минг долларга яқин туришига қарамасдан корейсларнинг ўзи 5 мингдан ортиқ олдиндан буюртма берди.