Mercedes Нью-Йоркда янги русумни намойиш этиши мумкин
Шу йилнинг 12 апрелида Нью-Йорк автосалонида Mercedes-Benz ўзининг янги ноодатий автомобилини кўрсатиши мумкин. Гап Mercedes-AMG GT номли концепт ҳақида бормоқда.
У 4 эшикли седан (ёки хэтчбек) бўлиб, AMG бўлинмаси томонидан ясалган.
Mercedes-AMG GT келаси йилдан сотувга чиқарилиши мумкин. Унинг рақиблари Audi A7, BMW 6-серия GranCoupe ва Porsche Panamera бўлади.
Машинанинг мотори бақувват, 500дан 600 от кучигача етади, 800 от кучига эга гибрид версияси тайёрланиши ҳам мумкин. Демак у энг кучли “Мерседес”га айланади.
Carzone.Uz сайтининг фаол муаллифларидан. Автомобилни ҳашамат эмас, ҳаракатланиш воситаси деб билади. Йўлдаги шиори: "Юзда юрма, юзга кир"
Баҳам кўринг:
