Mitsubishi Парижда туристча йўлтанламасни кўрсатади

Париж автосалони янгиликларидан яна бири Mitsubishi GT-PHEV нишона нусхаси бўлиши кутиляпти.

GT қисқартмасининг маъноси Ground Tourer бўлиб, саёҳатчиларга мўлжалланганлигини англатади. Концептуал кроссовер Mitsubishi дизайнининг янги концепциясини намойиш этиши керак.

Mitsubishi GT-PHEVнинг уч электродвигатели бор. Биттаси олд ўқ, иккитаси орқа ўқда. Шунингдек, ички ёнув двигатели ҳам ўрнатилган. Фақат электр ёрдамида 120 км, барча двигателларини ишга солганда эса 1200 кмдан ортиқ йўл босишга қодир.

Кроссовернинг борт компютери ҳаракат йўналиши, об-ҳаво ва йўл қопламасининг ҳолати ҳақидаги маълумотлар асосида электр ва ёнилғи сарфини бошқаради.

Норасмий хабарларга кўра, Ground Tourer автомобили янги купесимон кроссовер чиқарилишининг даракчиси бўлиши мумкин. У ASXдан каттароқ, аммо Outlanderдан кичик бўлиши кутиляпти.