Monterey Car week: Bugatti Chiron намойиши

Bugatti компаниясининг янги модификациядаги гиперкари Chiron Калифорнияда ўтказилган Monterey Car week автошоусининг энг муҳим дебютларидан бири бўлди.

Ушбу моедль шу йилнинг март ойида Женева автошоусида ҳам намойиш қилинган эди. Бироқ Monterey Car week доирасида унинг Шимолий Америка бозорига мўлжалланган версияси илк маротаба тақдим қилинди. Ушбу версиянинг бамперларида махсус индикатор ўрнатилган, тезлик эса километрда эмас, милларда ҳисобланади. Гиперкар эришадиган энг юқори тезлик соатига 300 милни ташкил қилади. Бу деярли 483 км/соат.

Моделнинг Европа учун чиқариладиган версияси эса соатига максимал 500 км тезликда ҳаракатланиши мумкин.

Бироқ Bugatti Chiron харидорлари тезлик борасида рекорд ўрната олмадилар. Бунга сабаб ишлаб чиқарувчи ушбу модель тезлигини 261 миль/соат 420 км/соат)  қилиб чеклаганидир.

Гиперкарнинг ишлаб чиқарилиш санаси ҳали маълум эмас. Бироқ мутахассислар унинг тезлик борасида компания ҳозиргача яратган автомобилларнинг энг мукаммали бўлишини қайд этишмоқда. Бундан олдин Bugatti 2010 йилда соатига максимал 267.8 миль (430 км/соат) тезликда ҳаракатланадиган Bugatti Veyron Super Sport суперкарини намойиш этган этган эди.

Компания ушбу моделдан жами 500 дона ишлаб чиқаришни режалаштирган. Ҳозиргача режадаги автомобилларнинг 200 донаси сотилиб бўлинган. Ишлаб чиқарувчининг маълумотига кўра, олдиндан қилинган буюртмаларнинг 30% АҚШ фойдасига тўғри келмоқда. Пре-модель вазифасини ўтаган илк Bugatti Chiron Саудия Арабистонида яшайдиган компания суперкарларининг ишқибози бўлган харидорга етказилган.  Ушбу харидор, шунингдек, Bugatti’s Vision Gran Turismo концепт моделига ҳам эгалик қилади.

motorauthority.com ресурсининг маълумотига кўра, Bugatti Chiron автомобили қиш ойларида сотувга чиқарилиши мумкин. Ўтмишдоши каби Chiron’га ҳам 8.0 л ҳажмли W-16 турбо-двигатели ўрнатилади. Моделдаги 7 поғонали дуал-клатч трансмиссия тизими барча ғилдиракларнинг ҳаракатини таъминлайди.

Bugatti Chiron 1480 та от кучига эга, 2,5 секундда 101 км/соат (6,5 секундда – 200 км/ст, 13,6 секундда – 300 км/ст)  тезликка эриша олади.

Гиперкарнинг бошланғич нархи 2, 4 млн еврони ташкил қилиши айтилмоқда.