Opel 2100 кмни бир бак ёнилғи билан босиб ўтди

Opel компанияси тежамкорликда янги рекордини ўрнатди. Дизель моторли Opel Insignia Швейцария Альпидан Шимолий денгизга бориб қайтди.

Opel Insignia автомобилига 1,6 литрли, 136 от кучига эга мотор ўрнатилган. Йўналишнинг биринчи бўлагида ҳайдовчи Альпдан Рюсселхаймдаги Опелнинг қароргоҳигача 429 км йўл босиб, компаниянинг вице-президенти билан салом-аликлашди. Сўнг Opel Insignia Мюнстер ва Олденбургда тўхтаб, Шимолий денгиздаги Куксхафен шаҳарчасига борди. Қайтишда Ганновер, Кассел ва Санкт Галлендан ўтиб, Цюрихда сафарни якунлади.

Автомобиль сафар давомида 2111 км йўл босиб ўтди. Ҳисобланишича, ҳар юз кмга 3,46 литр ёнилғи сарфлаган. Бу расмий кўрсаткичдан бирмунча пастдир (ecoFLEX версияси бўйича юз кмга 3,8-3,9 литр).