Ўзбекистонда янги авиакомпания ташкил этилади

Ўзбекистон Транспорт вазирлиги ташаббуси билан  Uzbekistan Airports AJ Silk Avia минтақавий шўба авиакомпаниясини ташкил этмоқда. Янги авиаташувчи 2022 йилдан парвозларни бошлашни режалаштирмоқда. Бу ҳақда Uzbekistan Airports хабар қилади.

Silk Avia авиакомпанияси 2021 йилнинг сентабрь ойида рўйхатга олинган. 14 –18 ноябр кунлари Дубай шаҳрида бўлиб ўтган Dubai Airshow-2021 доирасида Uzbekistan Airports ва HAS Aviation GT  МЧЖ ўртасида минтақавий авиакомпания ташкил этиш стратегиясини яратиш бўйича шартнома имзоланган.

Та’кидланишича, минтақавий авиакомпаниянинг ташкил этилиши Ўзбекистонда ишбилармонлик фаоллигини рағбатлантириш ва ички туризмни ривожлантириш учун шарт-шароитлар яратишда муҳим аҳамиятга эга бўлиб, бу ўз навбатида аҳолининг авиация ҳаракатчанлиги коеффициентининг ошишига та’сир қилади.

Режаларда 40 тагача маршрут ишлаб чиқиш ва йўловчилар сиғими 70 кишигача бўлган ҳудудий ҳаво кемаларини харид қилиш кўзда тутилган. Тарифлар темирйўл тарифлари билан таққосланади. Бу ички туризм ривожига, истеьмолчи учун авиачипталарнинг якуний нархига ижобий таьсир кўрсатади”, — деди Uzbekistan Airports акциядорлик жамияти бошқаруви раиси Ра’но Жўраева.