Пекин автосалони очилди: унда қандай янги машиналар тақдим қилинади?

25 апрелда Пекин халқаро автосалони Auto China 2018 ўз ишини бошлади. Бу автосалонда ўнлаб маҳаллий ва хорижий автомобил ишлаб чиқарувчи компаниялар янги машиналари ва концептларини тақдим қиладилар. Кўпчилик моделлар Хитой бозорига мўлжалланган, деб ёзади Kun.uz.

Мисол учун, Хитойнинг Haval бренди автосалонда иккита янги кроссовери – Haval H6 ва Haval F5’ни тақдим қилади.

Хитойнинг яна бир маркаси Dongfeng Motor Пекинда 7 ўриндиқли DFM 580 ва ихчам АХ4 кроссоверлари билан иштирок этмоқда. Chery эса 7 ўриндиқли Tiggo 8 кроссоверини, Concept Icon концептуал электр кроссоверини тақдим қилади.

BMW Пекинга iX3 электр кроссовери концептини, Япониянинг Honda компанияси эса ўзининг илк электрокари – Everus кроссоверини олиб келди.

Кўргазма илк 4 куни журналистлар ва соҳа вакиллари учун ишлайди, кенг омма учун 27 апрелда ўз эшикларини очиб, 4 майгача давом этади.

Пекин автосалони дунёдаги энг йирик автосалонлардан бири бўлиб, ўз ишини 1990 йилда бошлаган ва ҳар икки йилда ўтказиб келинади.

Қуйида жорий кўргазмада тақдим қилинувчи моделлар келтирилган: