Renault Европа бестселлерини янгилади

Париж автосалонида янгиланган ва яхшиланган Renault Clio хэтчбеки намойиш этилди.

“Рено”нинг Clio хэтчбеки ҳамиша энг серхаридор авторусумлар қаторида бўлган. Европада унинг олдига фақат Volkswagen Golf тушиши мумкин. Француз инженерлари хэтчбекни бир оз ўзгартиришга жазм қилди.

Автомобилнинг олд қисми бир оз ўзгарган: диод чироқли фаралар пайдо бўлган ва бампер сал бошқача кўриниш олган. Хэтчбекни ички тарафдан эса таниш қийин. Салон ички кўзгуси пайдо бўлган, рул ва марказий консоллар ўзгаришга учраган. R-Link мултимедиа мажмуасини смартфонга улаб функцияларини ошириш мумкин.

Двигателлари қаторига 110 от кучига эга турбодизел ва 120 от кучига эга бензинли мотор қўшилган.