Рестайлинг қилинган Lexus CT200h гибрид хэтчбеки яқинда савдога чиқади

24 август куни Хитой дилерлик марказлари янгиланган Lexus CT200h хэтчбекини қабул қилиб олади. Унинг нархи 230 минг юан (34.5 минг доллар) бўлиши тахмин этиляпти.

Тетик ҳолга келтирилган CT200h хэтчбекида энди радиатор панжараси ўзгача кўринишда. Бампери ҳам янгича тус олган, оптикаси такомиллашган.

Салонда 10,3 дюймли янгича сенсор дисплейга эга мултимедиа мажмуи пайдо бўлди. У Android Auto ва Apple Carplay тизимлари билан ишлайди.

Lexus CT200h 2018ни 136 от кучига эга мотор ҳаракатга келтиради.

Рестайлинг қилинган хэтчбекда қатор хавфсизлик тизимлари пайдо бўлган, улар қаторида мослашувчан яккатезлик, тўқнашувни бартараф этиш тизими, ҳаракатланиш полосасини назорат қилиш, парктроник ва бошқалар бор.