Skoda Octavia немисларнинг энг яхши автомобили деб топилди

Автомобилсозликнинг пири бўлган немислар нега энди чех автомобилини танлабди, дея ҳайрон бўлманг. Гап Германиядаги энг яхши хориж автомобилини аниқлаш устида кетмоқда. Auto Motor und Sport журнали ўқувчилари қаторасига тўртинчи йили Skoda Octavia автомобилини ўз синфидаги энг яхшиси деб топишди.

2016 йилда 436 мингдан зиёд Octavia сотилган. Германияда энг машҳур автомобиллар ўнлигига киради.

Skoda Octavia Чехиянинг Škoda Auto компанияси чиқарадиган ихчам оилавий автомобилдир. Номи 1959-71 йилларда ишлаб чиқарилган автомобиллар бўғинидан олинган. Лифтбек, универсал ва седан кузовларида ишлаб чиқарилади.