“Тесла”нинг савдоси Mercedes ва BMWникидан ўзиб кетди
Ўтган йили Mercedes-Benz S-класс ва BMW 7-серияси Tesla Model S билан савдода беллашди. Ҳисоб “Тесла” фойдасига ҳал бўлди.
Tesla Model Sнинг савдоси АҚШдагина эмас, Европада ҳам қизғин бўлди. JATO Dynamics маълумотига кўра, 2017 йилда Европада 16 132та Tesla Model S сотилган. Бу бир йил олдингидан 30 фоизга ортиқ натижадир. Mercedes-Benz S-класс эса 13 359та сотилиб, бор-йўғи 3 фоизлик ўсишни намойиш этди. 11 735та сотилган BMW 7-сериясининг савдоси 13 фоизга пасайиб кетди.
АҚШ бозорида “Тесла” қандай зафар қучганини рақамларда кузатинг. Model S — 28 800 дона (+9 фоиз). Mercedes-Benz S-класс - 15 888дона (16 фоиз).
Аммо ҳар ерда бўлганидек “Тесла”нинг муваффақиятини шубҳа остига олувчилар ҳам бор. Улар ҳукумат имтиёзлари туфайли Tesla Sга талаб ошди, демоқда.