“Afrosiyob” поездлари қатнови яна биттага кўпайиб, ҳаракат жадвалида ўзгаришлар бўлади!
Йўловчиларга янада кўпроқ қулайлик ҳамда ички туризмни ривожлантиришда қўшимча имкониятлар яратиш мақсадида “Ўзбекистон темир йўллари” АЖ 2022 йил 9 январдан бошлаб, ҳар ҳафтанинг якшанба кунлари “Самарқанд-Тошкент-Самарқанд” йўналишида 767/768 сонли “Afrosiyob” замонавий поездларининг қатновини йўлга қўяди, деб хабар бермоқда“O‘zbekiston temir yo'llari" AJ.
Ҳаракат жадвалига кўра 767- сонли “Afrosiyob” замонавий поезди якшанба кунлари соат 10:50 да “Самарқанд-Тошкент” йўналишида, 768-сонли “Afrosiyob” замонавий поезди эса шу куни соат 13:40 да “Тошкент-Самарқанд” йўналишида қатновини амалга оширади.
Шу боис амалдаги “Afrosiyob” замонавий поездларининг ҳаракат жадвалига ўзгартириш киритилади.
Унга кўра бугунги кунда соат 08.30 да “Тошкент - Самарқанд” йўналишида ҳаркатини амалга ошираётган 764 -сонли “Afrosiyob” замонавий поезди 2022 йил 9 январдан бошлаб, соат 07:00 да Тошкент марказий темир йўл вокзалидан қатновини амалга оширади.
Ҳар куни соат 17:06 да “Самарқанд-Тошкент” йўналишида қатновини амалга ошираётган 763-сонли “Afrosiyob” замонавий поезди эса, ушбу санадан бошлаб соат 16:40 да Самарқанд темир йўл вокзалидан қатновини амалга оширади.
Бугунги кунда соат 09:02 да “Тошкент-Бухоро” йўналишида қатновини амалга ошираётган 770-сонли “Afrosiyob” замонавий поезди 2022 йил 9 январдан бошлаб, соат 08:30 да Тошкент марказий темир йўл вокзалидан ҳаракатини бошлайди.
Ҳозирги кунда соат 15:02 да Бухоро-Тошкент йўналишида қатновини амалга ошираётган 769-сонли “Afrosiyob” замонавий поезди эса ушбу санадан бошлаб, соат 15:27 да Бухоро темир йўл вокзалидан ҳаракатланади.
Шунингдек, соат 15:50 да “Бухоро-Тошкент” йўналишида ҳаракатини бошлайдиган 761-сонли “Afrosiyob” замонавий поезди мазкур санадан бошлаб, соат 15:52 да Бухоро темир йўл вокзалидан қатновини амалга оширади.
Бугунги кунда соат 04:55 да “Бухоро-Тошкент” йўналишида қатновини амалга ошираётган 765-сонли “Afrosiyob” замонавий поезди эса, 9 - январдан бошлаб, соат 04:31 да Бухоро темир йўл вокзалидан ҳаракатини бошлайди.
Амалдаги бошқа “Afrosiyob” замонавий поездлари ўз ҳаракат жадвали бўйича ҳаракатланади.
Бундан ташқари 09.01.2022 йилдан
3-сонли Қарши-Тошкент,
10-сонли Тошкент-Бухоро,
11-сонли Бухоро-Тошкент,
655 сонли Хива-Андижон,
657-сонли Нукус-Андижон,
6414-сонли Тошкент -Гулистон,
10.01.2022 йилдан
662 сонли Тошкент-Урганч,
58-сонли Тошкент-Шовот,
60-сонли Тошкент Андижон,
153-сонли Нукус -Тошкент,
11.01. 2022 йилдан
72-сонли Тошкент-Олот,
394-сонли Андижон-Хива,
13.01. 2022 йилдан
155-сонли Шовот -Тошкент,
14.01. 2022 йилдан
392-сонли Андижон- Бухоро йўналишларидаги йўловчи поездларнинг ҳаракат жадвалида ҳам ўзгариш бўлади.