АҚШни кесиб ўтиш учун қанча бензин керак?

200 литр ҳам ортиб қолади, демоқда Kia Niro ҳайдовчиси.

Америкада Kia Niro автомобили тежамкорлик бўйича Гиннеснинг рекордлар китобига кирди. Автомобиль Нью-Йоркдан Лос-Анжелесгача чўзилган 5979 км йўлни атиги 183,6 литр бензин сарфлаб босиб ўтди. Ўртача ёнилғи сарфи 100 кмга 3,07 литр.

Корейс автомобилининг бу қадар тежамкорлиги сири гибрид технология ва аэродинамикаси яхши ишланганидадир. 1,6 литрли бензинли моторининг қуввати 105 от кучига тенг. Унга электромотор (43 о.к.) кўмакчи бўлади.

“Киа Ниро”нинг аэродинамик қаршилик коэффициенти рекорд даражада кичик эмас, аммо ёмон деб ҳам бўлмайди – 0,29.

Kia Niro савдоси Кореяда шу йилнинг баҳорида бошланган.