Автомобилларга шартнома тузиш бошланган куннинг ўзидаёқ, бир шахс томонидан 35 та автомобиль  учун шартнома тузилди

Автомобилларга шартнома тузиш бошланган куннинг ўзидаёқ, сотилган автомобилларнинг аксарияти қайта сотиш эҳтимоли билан сотиб олинган бўлиши мумкин

Бунга бир киши томонидан икки ва ундан ортиқ автомобилга шартнома тузилганлиги ҳақидаги маълумотлар сабаб бўлди. Энг эътиборли ҳолат, бир вақтнинг ўзида бир шахс томонидан 35 та автомобил  учун шартнома тузилганлигидир. Сотувнинг биринчи куни жами 13 203 та автомобилга тузилган шартномалардан  6 836 таси (52%) шу тарзда тузилган. 

Қайд этиш жоизки, “тадбиркорлар”нинг осон даромад топишга бўлган юқори қизиқиши, энг аввало, ўз эҳтиёжлари учун автомобил сотиб олмоқчи бўлган истеъмолчилар учун ноқулайликларни юзага келтириб, ортиқча талабни шакллантиради.  

Шунингдек, УзАуто Моторс “Бизнесменлар”нинг эмас, аксинча аҳоли эҳтиёжларини қондириш учун приоритетлар тизимини жорий қилди. Унга кўра, автомобиллар қайта сотиш учун эмас, балки шахсий эҳтиёжи учун автомобил сотиб олаётган мижозларга автомобилларни етказиб беришни биринчи ўринга қўяди.

Автомобилларни қайта сотиш эҳтимоли билан тузилган шартномалар аниқланган тақдирда, компания шартнома шартларига мувофиқ (3.1.2 бандга мувофиқ) автомобилни етказиб бериш муддатини қўшимча 120 кунга ош

иради. Шу муносабат билан, харидорлардан шартномани имзолашдан олдин унинг барча бандлари билан тўлиқ танишиб чиқишларини илтимос қиламиз.

Ушбу  чора-тадбирлар автомобилларни харидорларга етказиб бериш муддатини қисқартириш, аҳоли ўртасидаги талабни қондириш имконини беради.