Bentley компанияси янгиланган Mulsanne моделини синовдан ўтказди

Bentley компанияси ўзининг Mulsanne седанини синовдан ўтказди. Фотожосуслар янги маҳсулотни йўлларда синовдан ўтказилаётган вақтида илк маротаба тасвирга олишди. Седан намойиши 2016 йил март ойида Женевада бўлиб ўтадиган автосалонда бўлиб ўтиши керак. Модел намойиш этилганидан кўп ўтмай савдога чиқарилади.

Фотосуратлардан кўриниб турибдики, автомобиль янги радиатор панжараси, бошқа бампер ва оптикага эга бўлган. Шунингдек, янги модел салонига ҳам ўзгартишлар киритилган.

Седаннинг «юраги» сифатида 6,75 литрли V8 твин-турбо двигатель ўрнатилган. Унинг қуввати 512 от кучига тенг. Худди шу мотор моделнинг аввалги намунасига ҳам жойлаштирилган. Бироқ янгиланган Mulsanne двигатели қуввати янада оширилиши мумкин.

Шу билан бирга, Bentley компанияси Mulsanne седанининг ғилдираклар базаси кенгайтирилган яна бир модификациясини ҳам синовдан ўтказмоқда. Янги маҳсулот LWB асосига эга бўлади. Автомобиль 200-250 мм узунроқ бўлди. Бу билан компания орқа ўриндиқдаги йўловчиларга қулайлик яратиб берди. Ушбу модел ҳам Женеваги мотор-шоуда намойиш этилади.

Bentley, шунингдек, янги Mulsanne Grand Convertible кабриолоетини намойиш қилишга ҳам тайёргарлик кўрмоқда. Унинг техник хусусияти ошкор қилинганича йўқ. эслатиб ўтамиз, Grand Convertible прототипи 2014 йил ноябрь ойида намойиш этилган эди. Автомобилга 8 босқичли “автомат” билан таъминланган 6,75 литрли 537 от кучига эга V8 твин-турбомотор ўрнатилган. Унинг 100 км/с тезликка чиқиш учун 4,9 сония талаб этилади.