Bentley ўзининг энг экстремал моделини ишлаб чиқаради

Bentley компанияси ўз тарихидаги энг экстремал моделини тақдим этишни режалаштирмоқда. Автомобиль 6 январда намойиш этилади. Бу ҳақда, компания томонидан ижтимоий тармоқларга жойлаштирилган тизерида сўз юритилган.

Эҳтимол, Bentley компанияси 6 литр ҳажмли, 642 от кучига эга W12 жуфт турбо двигатель билан жиҳозланган Continental GT Speed моделининг «кучайтирилган» намунасини тақдим этиши мумкин. Бу автомобиль 4,1 сонияда «юз»га чиқа олади. Унинг энг юқори тезлиги соатига 332 кмни ташкил этади, деб ёзмоқда Kun.uz.

Ҳозирда, айнан Speed намунаси энг кучли ва энг тез Bentley ҳисобланади. Бунгача, Supersports компаниянинг ушбу йўналишдаги энг яхши машинаси ҳисобланар эди. Бундан ташқари, чекланган миқдорда ишлаб чиқилган тўрт литрли жуфт турбо «V8» моторли 580 от кучига эга GT3-R купеси ҳам энг кучлиси эди. Бу автомобиль 3,8 сонияда «юз»га чиқиши мумкин.

Умуман, Continental GT3-R моделидан 300 нусха ишлаб чиқарилган бўлиб, уларнинг ҳар бири оқ рангга бўялган эди.