Буюк Британияга юк машинаси ҳайдовчилари керак

ББC нинг хабар беришича пандемия ва Буюк Британиянинг Евроиттифоқдан чиқиши оқибатида минглаб юк машинаси ҳайдовчилари мамлакатни тарк этган.  Бу эса логистика тизимида муаммоларга сабаб бўлмоқда. Ҳайдовчи танқислиги муаммосини ечиш учун ҳукумат ишлаш мақсадида бўлган 10 минг чет эл фуқароларига виза беришга тайёр.  Айтиб ўтиш керакки, логистика билан боғлиқ  бу муаммо мамлакат иқтисодиётига салбий таъсир қилмоқда. Мамлакат бўйлаб маҳсулотларни етказиб беришда сезиларли узилишлар кузатилмоқда. Маълумотларга кўра юк машинаси ҳайдовчилари Британияда соатига 15-25 еврогача ҳақ олишади.