Cadillac компанияси Chevrolet Cruze базасида янги модел қураётганини инкор этди

Cadillac компанияси янги авлод Chevrolet Cruze платформаси асосида ихчам модел ишлаб чиқишга тайёргарлик кўрмаётганини маълум қилди. Бу ҳақда Jalopnik портали номини ошкор қилмаган “Кадиллак” вакилига таяниб хабар берди. Ахборот манбаси бу борадаги гап-сўзларни мутлақо инкор этди.

Бундан аввалроқ эса GM Inside News нашри Cadillac охирги чиқарилаётган “Круз”нинг олд ғилдираклари “тортадиган” Delta шассиси асосида унча катта бўлмаган хэтчбек яратаётгани ҳақида хабар қилган эди.

Хабарда янги автомобиль двигателлари қаторига саккиз босқичли “автомат” билан жуфтликда ишлай оладиган ишчи ҳажми 1,5 ва 2 литр бўлган турбинали бензинли агрегат кириши тахмин қилинган эди. Бундай модел Chevrolet Cruze`нинг қимматроқ талқини бўлиб, нархи платформа-“донори”га қарагандаолти-ўн минг доллар баландроқ бўлиши айтилганди. “Круз”нинг нархи эса АҚШда 16,6-24 минг доллар атрофидани ташкил этади.

2014 йилда Cadillac Mercedes-Benz CLA харидорларини “ўзига оғдирадиган” ихчам седан ишлаб чиқиши тўғрисидаги ахборотлар тарқаган эди. Модел асосида Cadillac ATS ва CTS, шунингдек, Chevrolet Camaro`га асос бўлган орқа ғилдиракларни илдамловчи қилувчи Alpha платформасидан фойдаланиши маълум қилинганди.