Endilikda mashinaga taqiq qo‘yilgan yoki yo‘qligini onlayn tekshirish mumkin

Endilikda mashinaga taqiq qo‘yilgan yoki yo‘qligini onlayn tekshirish mumkin

Yagona interaktiv davlat xizmatlari portalida “Avtomobil taqiqini tekshirish uchun ariza yuborish” yangi davlat xizmati ishga tushirildi.

Ushbu xizmat yordamida sud, MIB va boshqa organlar tomonidan qo‘yilgan taqiqlar mavjudligini tekshirish mumkin.

Shuningdek, ushbu xizmat orqali sud, ichki ishlar organlari, soliq va bojxona organlari, Majburiy ijro byurosi, notarial idoralar tomonidan qarzdorlik, kredit majburiyatlari, ijro hujjatlari va boshqa holatlar yuzasidan belgilangan taqiqlarni aniqlash mumkin.

Qayd etilishicha, transport vositasi uni tekshirmoqchi bo‘lgan shaxsga tegishli bo‘lishi kerak. Umumiy ishonchnoma yoki ishonchnoma asosida transport vositalarini boshqarayotgan shaxslar xizmatdan foydalana olmaydi.

Xizmat bepul va javob bir zumda taqdim etiladi.

Хабарларни тез ва осон ўқиш учун Андроид иловамизни сақлаб олинг.

Мавзу:

#қоида