Энг қиммат Bentley Bentayga билан танишинг

Англиянинг Mulliner фирмасининг шоҳона ательеси энг қиммат йўлтанламас қанақа бўлишини кўрсатиб қўйди.

Bentley Bentayga кузови икки хил ранг уйғунлигида. Радиатор панжараси хромланган. 22 дюймли ғилдирак дисклари алоҳида эътиборга молик бўлиб, марказидаги Bentley нишони ҳолати машина ҳаракатланганда ҳам ўзгармай қолади.

Мижоз 15 хил рангли салондан бирини танлаши мумкин. Марказий панел ва эшикларга ёнғоқ ёғочи қопланган. 20 динамикли хай-энд аудиотизими бор. Mulliner логотиплари ўриндиқларга тикилган. Бундан ташқари, харидор корпуси сариқ, пушти ёки оқ олтиндан, циферблати бриллиантдан ишланган Breitling соатларини ҳам қўлга киритади.

Mulliner ательесининг ишланмасини турли рангли чарм сирилган ўриндиқларидан ажратиб олса бўлади. Хоҳловчилар учинчи қатор ўриндиқларини ҳам буюртма қилиш мумкин. Орқа ўриндиқларининг орасида биллур қадахлар сақланадиган музлаткич қути ўрнашган.

Двигатели стандартлигича қолган. Олти литрли, 608 от кучига эга, 12 цилиндрли твин-турбомотор 4,1 сонияда юз тезликка чиқади.

Bentley Bentayga Mulliner чекли серияда тайёрланади. Женева автосалонида намойиш этилиши биланоқ буюртмаларни қабул қилиш бошланади. Ноёб йўлтанламаснинг нархи миллион евро атрофида бўлиши кутиляпти.