Фотогалерея: Женевадаги автосалонда намойиш этилган ақл бовар қилмас йўлтанламаслар

Daryo.uz нашри Женевада бўлиб ўтаётган автосалонда намойиш этилган ақл бовар қилмас йўлтанламасларнинг суратларни тўплаб тақдим этди.

Range Rover CV Coupe

Яқин орада мазкур машина қайсидир рэп-қўшиқчининг клипида пайдо бўлиб қолса ажабмас. Нархи салкам 300 минг доллар бўлган автомобилдан 999 нусхада ишлаб чиқарилган. 585 кучга эга Range Rover 97 км/соат тезликка беш сонияда эришади. Максимал тезлиги эса соатига 265 километрни ташкил этади.

Харидорлар учун CV Coupe салонининг тўрт хил вариант таклиф этилади. Ғилдирак дискалари ҳам 21 дан 23 дюймгача. Салонга InControl Touch Pro Duo ахборот-кўнгилочар тизими ҳамда Меридиан аудиотизими ўрнатилган.

Flying Huntsman 6X6 Civilian Carrier

Челсида жойлашган компания Женевада бўлиб ўтадиган ҳар сафарги автосалонга Defender’нинг янги версияларини тақим этади. Тўғри, Defender анчадан буён ишлаб чиқарилмайди, унинг барча тюнинг вариантлари эса ўйлаб топилгандек туюлиши мумкин, бироқ Flying Huntsman 6X6 Civilian Carrier бунинг аксини исботлайди. Янги йўлтанламас нафақат қўшимча учинчи ўққа, балки тўққиз кишига мўлжалланган салонга ҳам эга.

Бу каби машинага буюртма бериш учун харидорлар камида 249 995 фунт тўлашлари лозим. Салондаги барча 9 та ўриндиқ чармдан ишланган, узатмалар қутиси алюминийдан ишлаган дастак ёрдамида бошқарилади.

Mansory Bentley Bentayga «Bleurion Edition»

Bleurion Edition’нинг нафақат ташқи кузови, балки салони ҳам кўк рангли жиҳозлар билан безатилган. Ғилдирак дискалари эса 24 дюймли…

Машинага 750 от кучига эга W12 двигатели ўрантилган бўлиб, максимал тезлиги соатига 311 километрни ташкил этади.

BRABUS 550 ADVENTURE 4 × 4²

Мазкур автомобиль бундан ярим йил олдин намойиш этилганди. Adventure бошқа йўлтанламаслар каби Женева автосалонига кўрк бағишлаб турди.

Мазкур машинага 550 от кучига эга V8 двигатели ўрнатилган. Brabus 100 км/соат тезликка 6,7 сонияда эришади. Максимал тезлиги эса соатига 210 километр.

Sbarro 4х4+2

Швециянинг унчалик ҳам катта бўлмаган Sbarro компанияси даромадини иккита нарса ташкил этади: биринчиси, Mercedes 540К типидаги классик автомобилларнинг нусхаларини яратиш, иккинчиси, мижозлар буюртмасига асосан индивидуал машиналар ишлаб чиқиш.

Кўриниши бироз ғалати бўлган Sbarro автомобилининг асосий жиҳати — ён томонларидаги қўшимча ғилдираклар. Улардан захира ғилдирак, ёки қўшимча таянч сифатида фойдаланиш мумкин.