Haydovchi odam urib yubordi. Unga «qamoq» jazosi beriladimi?
Avariya holatida jabrlanuvchi da'vo qilmasa, haydovchiga qanday chora ko‘riladi? Axloq tuzatish ishlarimi? Yoki ozodlikdan maxrum qilishmi?
📌JKsining 266-moddasi 1-qismiga ko‘ra transport vositasini boshqaruvchi shaxs tomonidan transport vositalari harakati yoki ulardan foydalanish xavfsizligi qoidalarini buzish, badanga o‘rtacha og‘ir yoki og‘ir shikast yetkazilishiga sabab bo‘lsa, — bazaviy hisoblash miqdorining 50 baravarigacha miqdorda jarima yoki 360 soatgacha majburiy jamoat ishlari yoxud 3 yilgacha axloq tuzatish ishlari bilan jazolanadi
📌Mazkur moddaning 2-qismiga ko‘ra o‘sha qilmish odam o‘lishiga sabab bo‘lsa, — muayyan huquqdan mahrum qilib, 7 yilgacha ozodlikdan mahrum qilish bilan jazolanadi.
📍Ammo, JKning 66 prim 1-moddasiga ko‘ra, ushbu Kodeks 266-moddasining 1-qismida (transport vositalari harakati yoki ulardan foydalanish xavfsizligi qoidalarini buzish) nazarda tutilgan jinoyatni sodir etgan shaxs, agar u o‘z aybiga iqror bo‘lsa, jabrlanuvchi bilan yarashsa va yetkazilgan zararni bartaraf etsa, JINOIY JAVOBGARLIKDAN OZOD ETILISHI MUMKIN.
📍Sud JKning 55-moddasida nazarda tutilgan «aybni bo‘yniga olish to‘g‘risida arz qilish, chin ko‘ngildan pushaymon bo‘lish»ni inobatga olib, sizning harakatlaringizni jazoni yengillashtiruvchi holat deb topib yengilroq jazo tayinlashi yoki JKning 57-moddasiga ko‘ra jinoyat uchun belgilangan jazoning eng kam qismidan ham kamroq yoki shu moddada nazarda tutilmagan boshqa yengilroq turdagi jazoni tayinlashi mumkin