Jaguar F-Pace йилнинг энг яхши ва энг чиройли автомобили деб топилди

Танловнинг ҳал қилувчи босқичида Jaguar F-Pace икки кроссовер — Volkswagen Tiguan ва Audi Q5дан ўзиб кетди.

Jaguar тарихидаги биринчи кроссоверга World Car Design of the Year мукофоти берилди. F-Pace чиройлилиги бўйича Mercedes S-Class ва Toyota C-HRлардан ўзиб кетди.

Mercedes ва Toyota ҳам қуруқ қолгани йўқ. Mercedes E-Class “Премиал автомобиль” номинацияси ғолиби бўлса, Toyota BMW 5-Series ва Volvo S90/V90лардан ўзиб кетиб “Яшил автомобиль” номига сазовор бўлди.

“Йил спорткари” Porsche 718 Boxster/Cayman деб топилди. “2017 йилнинг шаҳар автомобили” номига BMW i3 (94 Ah) сазовор бўлди.

Эслатиб ўтамиз, танлов ҳайъати дунёнинг 24 мамлакатидан келган 75 нафар автомобиль журналистидан иборат. Энг кўп вакил АҚШ (11 нафар) ва Хитойдан (10 нафар) келди.