ЖАР кўчаларида ўнлаб автомобилларни сув оқизиб кетди (видео)

Жанубий Африканинг Йоҳаннесберг шаҳрида ўнлаб автомобиллар сув билан тўлган шоссега тиқилиб қолди. Рўй берган воқеанинг қисқа видеоси 10 ноябр куни YouTube сайтига жойланди. Видеолавҳада бошқарувдан чиқиб кетган ва сув оқизган ўнлаб автомобилларнинг тартибсиз ҳаракати ёки сувда тўнтарилиб кетганини кўриш мумкин.

24.kz сайтининг ёзишича кучли ёмғирдан сўнг кўчаларни сув босган. Одамлар сув оқизиб кетишидан сақланиш учун ҳатто автомобилларининг томига чиқиб олган. Синоптиклар ёмғир ҳали узоқ давом этишини башорат қиляпти.