Ле Манда дунёнинг энг тезкор кабриолети кўрсатилди

“Ле-Манда 25 соат” марафони доирасида жаҳондаги энг шиддатли, тўрт ўриндиқли кабриолет тақдимоти ўтказилди. Автомобилни Brabus ательеси такомиллаштирган бўлиб, номи Mercedes-AMG S 63 Cabrio.

Битурболашган саккиз цилиндрли двигатель тамоман қайта ишланган бўлиб, ҳажми 5,5 литрдан 5,9 литрга ошди. Қуввати эса 585 от кучидан (900 Н·м) 850 от кучига (1450 Н·м) ўсди. Саккиз поғонали узатмалар қутиси билан ишлайди, тўла узатмали. Соатига юз км тезликка эришиш вақти 0,4 сонияга қисқариб, 3,5 сонияни ташкил этди. Икки юз тезликка эса 9,4 сонияда эришади. Энг юқори тезлиги 350 км/соат.

Кабриолет кузовига янги тўсқич (обвес) ўрнатилган, 21 дюймли ғилдирак дисклари мавжуд, салони янгидан жиҳозланган.

Brabus ательеси аввалроқ Mercedes-AMG S 65 Coupe асосида тайёрланган 900 от кучига эга Rocket 900 купесини тақдим этганди.