Ўзиюрар трактор: қишлоқ хўжалигида янги технология (Видео)

Шубҳасиз, тракторлар катта ҳудуддаги ерларни ўзлаштиришга кўмаклашиб, ўз даврида қишлоқ хўжалигида жуда катта ўзгаришларга сабаб бўлган. 1920 йилдан бери тракторлар инсонларга беминнат ёрдамчи бўлиб келган. Эндиликда эса автоном навигаторлар орқали бутунлай ўзи мустақил ҳаракатланадиган трактор ихтиро қилинмоқда.

Case IH Autonomous Concept Vehicle – автоном ҳаракатланадиган трактор. Руль ўрнига унга дистанцион бошқарув панели, автоном ҳаракатланиш тизими ва иш режими кўрсаткичларини ҳисоблайдиган датчиклар ўрнатилган. Баҳайбат кўринишига қарамасдан трактор анча аниқ ишлайди, олдиндаги тўсиқ ёки юзага келган носозлик тўғрисида операторни огоҳлантира олади.

Албатта, бу трактор мазкур соҳадаги биринчи концепт эмас. Autonomous Tractor Corporation компанияси 2011 йилда механик тарзда ҳаракатланадиган тракторларга автопилотли тизимни ўрнатган эди. Бундай кашфиётдан кўзланган мақсад, шубҳасиз, фермер хўжалигини тўлиқ автоматлаштириш ҳамда фермерларни бир вақтда бир нечта қурилмаларни бошқаришга ўргатишдир. Ушбу технологиялар орқали фермер хўжалигининг самарадорлиги сезиларли даражада ошириш мумкин.