Qozog‘iston avtosalonlarida mijozlar kelishi bo‘yicha rekord o‘rnatildi

Qozog‘istonda yo‘lga qo‘yilgan imtiyozli avtokredit dasturi misli ko‘rilmagan talabga ega. Dastur ishga tushirilgan birinchi kunning o‘zidayoq Nur-Sultan va Almatidagi, masalan, Allur dilerlik markazlariga 4000 dan ortiq odam tashrif buyurdi, deya xabar beradi Kazinform.

Buni tushunish mumkin, chunki dastur ko‘pchilikka ma’qul. Allur vakillarining so‘zlariga ko‘ra, kompaniya yuqori talabni kutgan va tayyorlagan. «Qozog‘istonliklar xavotirlanmasin, har kim o‘ziga yoqadigan avtomobilni qulay foizlar asosida sotib olishi mumkin», - deyiladi kompaniya matbuot xizmatida.

Bugungi kunda Allur dilerlik markazlarida 4 mingga yaqin avtomobillar bor. «Sariarqa Avto Prom» zavodida yana 3,5 mingta avtomobil hududlarga jo‘natishga tayyor turibdi. Kelgusi oy esa zavod 7 mingga yaqin avtomobil ishlab chiqarishni rejalashtirmoqda.

Xo'sh! Qozog'istonda imtiyozli kredit tizimi qanday?

Imtiyozli avtokreditlar bir kishiga ikki yilda ikki marta berilmaydi.

Xususiy avtoparkni yangilashni rag‘batlantirish maqsadida Qozog‘iston Respublikasi fuqarolariga imtiyozli kreditlar asosida yengil avtomobillar sotib olish, shuningdek, «Jasil Damu» AJ mablag‘lari hisobidan avtobuslar parkini yangilash dasturi ishlab chiqildi.

Imtiyozli kredit dasturi bo‘yicha jami moliyalashtirish hajmi qariyb 100 milliard tenge va Qozog‘iston viloyatlarida avtobus parkini modernizatsiya qilish uchun qariyb 30 milliard tengeni tashkil etadi. QR Industriya va infratuzilmalarni rivojlantirish vazirligi ma’lumotlariga ko‘ra, aholiga avtokreditlar quyidagi shartlarda beriladi:

foiz stavkasi 4%; - kredit summasi 10 000 000 tengedan oshmasligi kerak; - moliyalashtirish muddati 7 yildan oshmaydi; - dastlabki to‘lov 0%; - transport narxi 15 000 000 tengedan oshmasligi kerak. 

Kredit berish ikkinchi darajali banklar tomonidan amalga oshiriladi. Moliyalashtirishning shaffofligini ta’minlash maqsadida ikkinchi darajali banklar yakuniy qarz oluvchiga moliyalashtirishni taqdim etish muddatlariga rioya etilishini nazorat qilishning avtomatlashtirilgan tizimiga ega bo‘lishi kerak.

Bundan tashqari, har ikki yilda bir martadan ko‘p bo‘lmagan yakuniy qarz oluvchini moliyalashtirish bo‘yicha cheklovlar mavjud. Lizing oluvchilar uchun avtobuslarni sotib olish shartlari quyidagilardan iborat:

foiz stavkasi 0,01%; - lizing muddati –7 yilgacha; - dastlabki to‘lov 0%;

Imtiyozli avtokreditlar ko‘rinishidagi qo‘llab-quvvatlashdan tashqari, davlat tomonidan imtiyozli sertifikatlarning amal qilishini ta’minlash bo‘yicha chora-tadbirlar ishlab chiqilmoqda.