Қозоғистонда янги "Chevrolet tracker" кроссоверларининг биринчи партияси ишлаб чиқарилди

"Костанайнинг "СарыаркаАвтоПром" заводида янги "Chevrolet tracker" кроссоверларининг биринчи партияси ишлаб чиқарилди" - дея хабар бермоқда "UzAutomotors" "Tengrinews.kz"  га асосланиб.

Кроссовернинг асосий афзалликларидан бири, унинг технологик жиҳати бўлиб, у асбоблар панелининг рангли экранини, 8 дюмли Chevrolet Mylink сенсорини, олти динамикли аудиосистема ва кўп функцияли руль, шунингдек кондиционер, панорамик том кўринишни ўз ичига олади.

Автомобиль энг замонавий двигатель 100 км учун 5,5 литр ёқилғи сарфлайдиган ва 125 от кучига эга бўлган 3 цилиндрли турбокомпрессорли ECO TEC билан таъминланади.

Кроссоверда хавфсизлик ёстиқчалари замонавий талабларга тўлиқ жавоб беради. Автомобилда орқа кўриниш камераси мавжуд. Шунингдек, шиналар босимини назорат қилиш тизими, стабилизация тизими (ёки ESP йўналиш барқарорлигини бошқариш), блокировкага қарши тормоз тизими (ABS), тепаликка кўтарилганда ёрдам тизими (HAS), орқа парктроник датчиклари, ҳамда болалар учун ўриндиқ - ISOFIX қўшимчаларга эга.  

Автомобиль сотувига 2021 йилнинг 31 августидан старт берилиши режалаштирилган.