Renault va Nissan 2023-yilda o'z kelajaklari bo'yicha muzokaralarni davom ettiradi

Renault va Nissan o‘rtasidagi qo‘shma biznesning kelajagi bo‘yicha muzokaralar yangi yilda ham davom etadi, deb yozadi Automotive News Europe Bloomberg’ga tayanib. Agentlik manbalariga ko'ra, sheriklar yanvar oyi oxirida qayta qurish haqida e'lon qilishmoqchi. Renault alyans aʼzolari oʻrtasida muzokaralar davom etayotganini tasdiqladi, biroq tafsilotlarga toʻxtalmadi. Nissan OAV xabarlariga izoh berishdan bosh tortdi.

Avvalroq, fransuz va yapon avtomobil ishlab chiqaruvchilari hamkorlikning yangi tamoyillari haqida 7-dekabr kuni gaplashishi taxmin qilingandi, biroq belgilangan sanadan bir necha kun oldin ular intellektual mulkni taqsimlash sxemasi bo‘yicha kelisha olmagani ma’lum bo‘ldi.

Bozor, mahsulot va texnologiya strategiyalari bo'yicha yangi kelishuv 10-oktyabrda e'lon qilindi. Shu bilan birga, tomonlar Nissan’ning Renault’ning yangi elektromobil biznesiga sarmoya kiritish imkoniyatlarini va alyansni yanada samaraliroq boshqarish uchun ba’zi tarkibiy o‘zgarishlarni muhokama qilishayotganini tasdiqladi.

Ikki avtogigant o'rtasidagi hozirgi kelishmovchiliklar uchun kamida ikkita katta sabab bor va ikkala holatda ham norozilik Yaponiya tomonidan keladi. U biznesdagi ulushlarga egalikdagi nomutanosiblikdan qoniqmaydi (Renault Nissanda 43 foiz ulushga ega, Nissan Renaultda 15 foiz ulushga ega).