Traktor va avtomobillar dvigatellarining rivojlanish tarixi
Traktor g‘ildirakli yoki zanjirli o‘zi yurar mashina bo‘lib qishloq xo‘jalik va boshqa mashinalarni harakatga keltirish uchun ishlatiladi. Qishloq xo‘jaligida, melioratsiya va yo‘l qurishda, yuk tashishda ko‘proq traktorlardan foydalaniladi.Avtomobillar transport vositasi sifatida yuklarni va passajirlarni tashish uchun
ishlatiladi.
Dvigatellar tarixi. 1860-yilda fransuz mexanigi E.Lenuar ikki taktli gazda yangi zaryadni oldindan siqmasdan ishlaydigan uchqun bilan o‘t oldiriladigan dvigatel yaratdi. Bu dvigatelning FIK 4-5% tashkil qilgan. 1877-78-yillarda nemes ixtirochisi N.Otto to‘rt taktli zaryadni siqib uchqun yordamida o‘t oldiriladigan gazda ishlaydigan dvigatel yaratdi. Bu dvigatel tejamkorligi Lenuar dvigateliga nisbatan ancha yaxshilangan edi. 1896-yili nemis
injeneri R.Dizel siqishdan alangalanadigan dvigatel konstruksiyasini yaratdi. Rus olimlari dvigatel nazariyasini rivojlantirishga katta xissa qo‘shdilar, professor V.Grinevetskiy dvigatel issiqlik hisobi asoslarini ishlab chiqdi.
Traktorlar tarixi. 1785-yili professor Komov M.M. tez harakat qiluvchi mashina yaratish ideyasini ilgari surdi. 1889-yilda jahonda birinchi marta Saratovda ko‘rgazmada Blinov F.A. tomonidan yaratilgan bug‘ bilan ishlaydigan zanjirli traktor ishlatib ko‘rsatildi. 1893-95-yili Mamin Ya.V. neftda ishlaydigan ichki yonuv dvigatelli o‘ziyurar telejkani, 1910-yilda esa neftda ishlaydigan quvvati 25 ot kuchi bo‘lgan ichki yonuv dvigatelli g‘ildirakli traktor yaratdi.
Rossiyada 1930 yilda Stalingrad (xozirgi Volgagrad), 1933-yilda Chelyabinsk, 1941-45-yillarda Altay va Vladimir traktor zavodlari ishlay boshladi. Ukrainada 1931-yil Xarkovda g‘ildirakli traktorlar ishlab chiqaradigan zavod ishga tushdi, ikkinchi jaxon urushidan keyin Belorussiyada Minsk, Moldovada Kishinev, 1970-yilda O‘zbekistonda Toshkent traktor zavodlari ishga tushirildi.
Avtomobillar tarixi. Rossiyada 1923-yilda Moskvada dastlabki avtomobillardan birini (ko‘tarish qobiliyati 1,5 t bo‘lgan AMO-F15) ishlab chiqarish yo‘lga qo‘yilgan. Shundan keyin Yaroslavl, Gorkiy shaxarlarida avtomobil zavodlari ishga tushdi. Keyinchalik Kremenchug, Voljskiy va Kamskiy shaxarlarida qurilgan zavodlarda avtomobillar ishlab chiqarish yo‘lga qo‘yildi. Dunyo miqyosida dvigatel, traktor va avtomobillar ishlab chiqarish yirik xususiy kompaniyalar tomonidan amalga oshiriladi. Bugungi kunda dvigatellar ishlab chiqaruvchi Kammins va Perkins, traktorlar va qishloq xo‘jalik mashinalari ishlab chiqaruvchi Djon Dir, Keys Nyu Xolland, Massey Fergyuson, Katerpiller, Klaas, Komatsu kompaniyalari tomonidan ishlab chiqarilgan dvigatel, traktor va q/x mashinalaridan dunyoning ko‘plab mamlakatlarida foydalanilmoqda. Avtomobillar ishlab chiqarishda General motors(GMC, Cadillac, Chevrolet, Opel), Daymler Kraysler (Mercedes), Ford (Ford, Lincoln, Mercury, Mazda, Jaguar, Land Rover, Aston Martin, and Volvo) va Toyota kompaniyalari eng taniqli hisoblanadi. O‘zbekistonda mustaqillik yillarida dvigatellar, traktor va avtomobillar ishlab chiqarishni yo‘lga qo‘yish bo‘yicha katta ishlar amalga oshirildi. Toshkent traktor zavodida TTZ-30, TTZ-60, TTZ-80, TTZ-100 traktorlarini ishlab chiqarish yo‘lga qo‘yildi. Bugungi kunda zavodda Janubiy Koreyaning LS Mtron kompaniyasi bilan hamkorlikda bir necha rusumdagi traktorlar ishlab chiqarilmoqda. Bundan tashqari AQSHning Keys Nyu Holland va Germaniyaning Klaas kompaniyalari bilan hamkorlikda tashkil qilingan UzKeystraktor va UzKlaasagro qo‘shma korxonalarida ham traktorlar ishlab chiqarilmoqda. Janubiy Koreyaning Deu kompaniyasi bilan xamkorlikda 1996-yilda Asakada yengil avtomobillar zavodi ishga tushirildi. Hozirda bu zavodda General motors kompaniyasi bilan hamkorlikda avtomobillar ishlab chiqarilmoqda. So‘ngi bir necha yillar davomida zavodda yiliga 200 mingdan ortiq avtomobil ishlab chiqarilmoqda. 2011-yilda Toshkentda General Motors kompaniyasi bilan hamkorlikda yengil avtomobillar uchun dvigatellar ishlab chiqaradigan zavod ishga tushirildi. Yana bir avtomobil zavodi Samarqandda ishga tushirildi. Bu yerda Yaponiyaning Isuzu va Germaniyaning Man kompaniyalari bilan hamkorlikda avtobuslar va yuk avtomobillariishlab chiqarilmoqda.
Traktorlar klassifikatsiyasi.
Vazifasiga ko‘ra
Umumiy ishlarni bajaradigan traktorlar (DT-75MV, T-150K, T-4A,K-701, VT-150, Magnum 8940, T-7060, Arion-630, TS-135, Belorus-1221).Bu traktorlardan yer haydashda, yerlarni ekin ekishga tayyorlashda, ekin ekishda foydalaniladi.
Universal chopiq traktorlari (T-25A, T-40M, T-28X4M, TTZ-60, MTZ-80, TTZ-80.10, MTZ-100, TTZ-100, Aksos-340, LS PLUS-100, TL-100).
Ixtisoslashgan traktorlar (MTZ-80X, TTZ-80.11, DT-75KV, TT-40).
Yurish kismini konstruksiyasiga ko‘ra
o g‘ildirakli
o zanjirli
Traktorlar tortish kuchiga qarab bir necha sinflarga bo‘linadi. Sinflar yig‘indisi tipaj deb yuritiladi, traktor tipajida 0,2; 0,6; 0,9; 1,4; 2; 3; 4; 5; 6; 8 kN tortish kuchili 10 ta sinf mavjud.
Avtomobillar klassifikatsiyasi.
Vazifasiga ko‘ra
o Passajir transportida ishlatiladigan avtomobillar
8 kishidan kam odam sig‘adigan yengil avtomobillar
8 kishidan ko‘p odam sig‘adigan avtobuslar
o Yuk avtomobillari (yuk ko‘tarish qobiliyatiga qarab yana kichik
guruxlarga bo‘lish mumkin)
o Maxsus avtomobillar (o‘t o‘chiruvchi, avtokranlar, tez yordam va boshqalar)
Traktor asosiy qismlari.
Traktor quyidagi asosiy bo‘laklardan tuzilgan: Dvigatel yonilg‘ini yonishidan hosil bo‘lgan issiqlik energiyasini mexanik energiyaga aylantirib berish uchun mo‘ljallangan. Dvigatel silindrida hosil bo‘lgan bosim kuchi yordamida tirsakli val aylantiriladi va bu harakat transmissiyaga uzatiladi.Transmissiya tirsakli val aylanma harakatini yetakchi g‘ildiraklarga uzatadi. Transmissiya ilashish muftasi, uzatmalar qutisi, asosiy uzatma, differensial va oxirgi uzatmalardan tashkil topgan.
Yurish qismi g‘ildiraklarni aylanma harakatini traktorni ilgarilanma harakatiga aylantirib beradi. Boshqarish mexanizmi traktorni harakat yo‘nalishini o‘zgartirish va uni qo‘zg‘almas vaziyatda tutib turish uchun zarur. Bu mexanizm rul yoki planetar mexanizmi va tormozdan tashkil topgan ish jihozlariga tirkash, shatakka olish qurilmalari, quvvat olish vali mexanizmlari kiradi. Yordamchi jihozlar kabina, kapot, yoritish va signal berish qurilmalari, sovitish va isitish moslamalari va boshqalar kiradi. Avtomobil asosiy qismlari. Dvigatel, shassi va kuzovdan iborat avtomobil shassisi transmissiya, yurish qismi va boshqarish mexanizmini o‘z ichiga oladi. Shassiga kuzov o‘rnatiladi.