Apple автомобиль ишлаб чиқариш лойиҳасини ўзгартириши мумкин

Apple компаниясига яқин манбалардан бирининг етказишига кўра, “Титан” лойиҳаси автоном ҳайдаш тизимини яратишга ўзгариши мумкин. Яқиндагина Apple автомобилини кўрсатишни ортга сурган эди. “Тишланган олма” бренди автомобиль ишлаб чиқарадими-йўқми, деган савол пайдо бўлмоқда.

Apple бу маълумотни шарҳлашдан бош тортди. Агар хабар тўғри бўлиб чиқса, янги автоном тизимни Apple CarPlay сингари турли маркаларда кўришимиз мумкин бўлади.

“Титан” лойиҳаси тўғрисида “тишланган олма”чилар жуда кам ахборот берган. Юзлаб инженерлар лойиҳага бош қўшгани, фақат Appleнинг ўзи  ишлаб чиқарган машина 2021 йилда кўрсатилиши маълум. Шунингдек, Appleчилар Tesla, General Motors, Samsung ва Ford компанияларини ишга жалб этишгани ҳақида интернет тармоғида хабар тарқалган.