АҚШ конструкторлари энг кучли электромобиль ишлаб чиқарди

Огайо Университети конструкторлари яратган электрокар номи Venturi Automobiles. Электромобиль тезлиги 372 км/соатга етади.

VBB-3 номли лойиҳа якунига етиш арафасида, ҳозир синов ишлари кетаётибди. Машинада 3 минг от кучи (!) бор, икки сонияда тезлиги 60 км/соатга чиқади. У энг замонавий технологияларга таяниб ишланган. У ўта тезкор электромобиллар ишлаб чиқариш йўлидаги дастлабки қадам бўлиши кутилмоқда.

Илк тезкор автомобиллар ўтган асрнинг 30-йилларидаёқ яратилган бўлиб, тезлиги 300 км/соатгача етар эди. Асримизда эса электромобиллар тезлик рекорди ўрнатиш учун беллашади.