Автомобилни бундай ташиманг

Ҳар бир давлатнинг йўл ҳаракати қоидаларида юкларни ташишга оид қатор шартлар белгиланган. Масалан “Йўл ҳаракати қатнашчилари ҳаракатланиш вақтида бошқа қатнашчиларнинг ҳаракатланишига хавф туғдирмасликлари керак”, “Транспорт воситасининг габаритларидан олди ёки орқа томонга 1 метрдан, габарит чироқларининг четки қисмидан 0,4 метрдан ортиқ чиқиб турган юк … «Катта ўлчамли юк» белгиси билан белгиланиши, қоронғи вақтда ва етарлича кўринмайдиган шароитда эса бунга қўшимча қилиб олди оқ чироқ ёки ёруғлик қайтаргич, орқаси эса қизил чироқ ёки ёруғлик қайтаргич билан белгиланиши керак” деб кўрсатиб ўтилган.

Шубҳасиз, океан ортида ҳам шундай қоидалар мавжуд. Аммо Ню-Жерсилик юк машинаси ҳайдовчиси бундан бехабар кўринади. Акс ҳолда юк машинасига яна бир юк машинасини, боз устига яна бирини, унинг устига пикапни, пикап устига мотоцикл ва велосипедни ортган бўлармиди.

Балки шу йўл орқали йўл харажатини тежамоқчи бўлгандир. Балки “Бремен машшоқлари” эртагига ўхшатмоқчи бўлгандир. Эшакнинг устига ит, итнинг устига, мушук, мушукнинг устига хўроз… Нима дедингиз 🙂

Ҳар нима бўлганда ҳам сиз бундай қила кўрманг.