“АвтоВАЗ” биринчи пикапини ишлаб чиқаради

Россия автомобилсозлик компанияси Lada Granta базасида икки турдаги пикапни тайёрламоқда. Шу билан бирга Lada 4×4 йўлтанламасини савдога чиқариш кўзланаётибди.

Концерн матбуот хизматида айтиб ўтилишига кўра, пикаплар техник хусусиятларини такомиллаштириш учун инжиниринг хизматига берилади. Йиғиш ва кузов ишлаб чиқариш тармоғи бошлиғи йиғувнинг илк босқичи яхши тугалланганини айтди. Пикаплар аввал “АвтоВАЗ”нинг шўъба корхонаси “Вис-Авто”да ишлаб чиқарилган. Янги жойга кўчирилишига сабаб технологик амалиётларни мукаммаллаштириш ва логистик харажатларни қисқартиришдир.