АЁҚШлар ва аҳоли кўп йиғиладиган обектлар ҳудудларида электромобиллар учун қувватлантириш ускуналари ўрнатилади

Ўзбекистонда электромобилларни қувватлантириш станциялари тармоғи ривожлантирилади.

Ўзбекистонда электромобилларни қувватлантириш станциялари тармоғи ривожлантирилади. Бу ҳақда Энергетика вазирлиги матбуот хизмати хабар берди.

2022 йилнинг 4-чорагига қадар электромобилларни қувватлантириш станциялари тармоғини яратиш ва ривожлантириш юзасидан чора-тадбирлар дастури ишлаб чиқилади.

Бунда, республикада фаолият юритаётган АГТКШ, АЁҚШларда, аҳоли кўп йиғиладиган обектлар ҳудудларида электр қувватлантириш, шу жумладан қайта тикланувчи энергия манбалари ёрдамида қувватлантириш станцияларини ўрнатилиши назарда тутилади.

Бу жараёнда керакли ускуналарни маҳаллий ишлаб чиқарувчилардан сотиб олинишига алоҳида эътибор берилади.

Ўзбекистонда электромобиллар инфратузилмаси

Инфратузилма талаб билан бирга ривожланади. Плугшаре маълумотларига кўра, ҳозирда Ўзбекистонда 33 та электр станцияси фаолият кўрсатмоқда. Баъзи компаниялар буни ўз профилининг бир қисми сифатида амалга оширадилар (Ток Бор, Мегаwатт Моторс), бошқалари учун бу қўшимча хизматдир (Макро).

Сўнгги йилларда Ўзбекистонда электромобиллар ишлаб чиқаришни ташкил этиш бўйича қатор ташаббуслар илгари сурилмоқда. Улар орасида “Ўзавтосаноат” корхоналарини электромобиллар ишлаб чиқаришга ўтказиш лойиҳаси ҳам бор.

Ҳозирча амалга оширишга энг яқин нарса бу Фарғонадаги лойиҳа бўлиб, сентябр ойида эълон қилинган эди. Синов партияси декабр ойида конвеердан чиқарилади ва серияли ишлаб чиқариш 2022-йилда бошланиши ваъда қилинган. Завод йилига 10 мингтагача автомобил ишлаб чиқариши режалаштирилмоқда.

Бир гуруҳ олимлар электромобиллар учун қувватлаш станциясини тақдим этди. Станция қуёш панелларидан қувват олиши мумкин.