Биринчи ҳинд спорт автомобилининг махсус версияси чиқарилмоқда

DC Design ҳинд компанияси илк Avanti спорткарининг ясатилган версиясини кўрсатди. Автомобиль келгуси йил апрелидан бошлаб сотилади. Чекланган миқдорда ишлаб чиқарилади. Нархи 65876 доллардан бошланади.

Спорт автомобилига 2 литрли бензинли двигател ўрнатилган. Мотор қуввати 310 от кучига тенг. Агрегат 6 поғонали механик узатмалар қутиси билан ишлайди.

Углерод толасидан ишланган ҳавокесар (сплиттер — автомобил ҳаракатланганда ҳавони машина остига киришидан тўсадиган аэродинамик тўсқич), кенгайтирилган ғилдирак дисклари ва орқа диффузор билан жиҳозланган. Avanti махсус версиясининг туби пастлаган. Салонга спорт ўриндиқлари ва янги ускуналар панели ўрнатилган.