BMW, Audi ва Mercedes: Энг тезкор Kia’нинг асосий рақобатчилари (фотогалерея)

Саид Мамуров
19-01-2017

Детройт автосалонида намойиш этилган Kia Stinger компания тарихидаги энг тезкор модель бўлди. Мазкур автомобиль моторшоуда намойиш қилинган серияли машиналар орасида энг яхши дизайн учун совринни қўлга киритди.

Аммо мукофотга эга бўлиш мижозлар учун курашишдан фарқ қилади. Ахир Kia Stinger’нинг жиддий рақобатчилари бор. «Мотор» нашри энг тезкор Kia’нинг рақобатчилари ҳақида маълумот берди.

Kia Stinger

Мазкур моделнинг энг яхши варианти 3,3 литрли V6 битурбо мотори билан жиҳозланган. Stinger’нинг энг тезкор варианти 5,1 сонияда соатига 100 километр тезлашади.

Лекин бу сафар эътибор Kia Stinger’га эмас, унинг рақобатчиларига қаратилади.

Audi S5 Sportback

Kia Stinger’нинг асосий рақобатчиларидан бири – Audi S5 Sportback хэтчбеки. Беш эшикли машина 354 от кучига эга бўлган, двигатель ҳажми 3 литрга тенг 6 цилиндрли мотор билан жиҳозланган.

Audi S5 Sportback атиги 4,7 сонияда соатига 100 километргача тезлашади. Автомобильнинг максимал тезлиги соатига 250 километрни ташкил этади.

BMW 440i xDrive Gran Coupe

BMW 440i модели 326 от кучига тенг бўлган 3 литрли турбомоторга эга.

Машинанинг максимал тезлиги мажбурий электроника томонидан соатига 250 километр тезликкача чекланган.

Mercedes-AMG C43

Mercedes-AMG C43 модели 3 литрли V6 двигатели билан жиҳозланган. Автомобиль 367 от кучига эга.

AMG C43 жойидан 4,7 сонияда 100 километргача тезликни олади. BMW 440i сингари мазкур машинанинг тезлиги ҳам мажбурий электроника томонидан соатига 250 километр тезликкача чекланган.

Jaguar XE S

Kia Stinger’нинг британиялик рақобатчиси – Jaguar XE S. Ушбу модель 340 от кучига эга 3 литрли V6 мотори билан жиҳозланган.

«Ягуар»нинг қўзғалиш тезлиги нисбатан секинроқ. ХЕ S 5,1 сонияда 100 километргача тезликка эриша олади. Мазкур автомобилнинг ҳам максимал тезлиги соатига 250 километргача чекланган.

Alfa Romeo Giulia