BMW нацистлар билан муносабати учун узр сўради

BMW компанияси раҳбарияти Иккинчи жаҳон уруши даврида нацистлар билан алоқаси учун таассуф билдирди. Узрхоҳлик баёноти компаниянинг юз йиллик юбилейига тўғри келди.

Иккинчи жаҳон урушига BMW мажбуран жалб этилган бўлиб, Учинчи рейх самолётлари учун двигатель ва қурол-яроғ етказиб бериб турган. Концерннинг барча заводлари фаолиятини Адольф Гитлернинг шахсан ўзи назорат қилган.

Уруш тугагач, компания иши тўхтаб қолган, чунки бир қанча заводлари вайрон бўлганди. Компания ҳарбий техника ишлаб чиқаришига тақиқ қўйилган. Урушдан сўнг 1948 йилда мотоцикл, 1951 йилда автомобиль ишлаб чиқариб фаолиятини тиклаган.