Changhe Хитойда Q35 ихчам кроссоверини ишлаб чиқара бошлади

Осмон ости мамлакатининг Changhe компанияси Q35 номли ушбу автомобилни тамоман янгидан ясаган.

Кроссовернинг узунлиги 4286, кенглиги 1815, бўйи эса 1665 мм. Ғилдираклар базаси 2560 мм. 1,5 литрли мотор 116 от кучини етказиб беради, айлантириш моменти 148 Н·м. Ихчам кроссовернинг ён ойналари электр ёрдамида бошқарилади, томқопқоғи (люк) мавжуд.

Кроссоверни хитойликлар 60 минг юанга (9 минг доллар) харид қила олишади.

Carzone.uz изоҳи: Хитойнинг Changhe автомобилсозлик компанияси (тўла номи Jiangxi Changhe Automobile Co Ltd) 1970 йилда ташкил этилган. Енгил автомобил ва микровен, кичик юк машиналари ишлаб чиқаради. Европа ва Лотин Америкаси давлатлари билан ҳамкорлик муносабатлари ўрнатган.