Chery спорткарининг нишона нусхаси тап-тайёр

Апрель охирида очиладиган Пекин автосалонида Хитой маркаси концептуал купени намойиш этишни мўлжаллаяпти.

Расмда фақат эскизни кўриб турибсиз, аммо ой охирида Пекин автосалонига ташриф буюрсангиз зулукдек силлиқ автомобилни ўз кўзингиз билан томоша қилишингиз мумкин. Ялпи ишлаб чиқаришга вақт эрта, гап, ҳозирча, прототип устида кетаётибди.

Шунга қарамай, Chery ҳазилакам автомобиллар ишлаб чиқармаяпти. Биринчи навбатда машинанинг дизайнига эътиборини қаратмоқда.

Дизайнерлар BMW 4 Гран Купе русумидан илҳомланган кўринади. Ғилдирак аркасининг ҳимоявий қопламаларига қараб хулоса ясасак, машина қисман кроссоверга ўхшаш бўлади.